اهمية الكربوهيدرات للاعب كمال الاجسام

بسم الله الرحمن الرحيم

ازيكم

الموضوع مش جامد يعنى ولا غريب عليكم بس بيتكلم
باختصار عن دور احد العناصر الغذائية المهمة اللى البعض بيهملها لسبب او
اكثر ما بين انه يقول بعمل ريجيم وانه يقول انشف واظهر عضلاتى وهو اصلا
يمكن الاستغناء عن الكربوهيدرات باى حال

[size=21]الاهمية الحيوية للكربوهيدرات

(1) امداد الجسم بالطاقة لان كل 1 جم كربوهيدرات يعطى 4 سعر حرارى

(2) تنظيم التمثيل الغذائى وتكوين الاجسام المناعية وتكوين الجليكوسيدات الداخلة فى تكوين هرمونات الغدة الكظرية او فوق الكلوية

(3) تنظيم تمثيل الدهون ودى مهمة اوى للناس اللى عايزة تنشف وتلاقيها
بتمنع الكربوهيدرات والدهون ويقولك رياضة ومجهود بس وهو يا عينى عمال يحرق
فى عضلاته ومش بيخلص جسمه من الدهون ليه بقى ؟لان جسم حضرتك لما لما مش
بيلاقى مصدر الطاقة متوفر فى الغذاء يبدا يشوف مخزونه من الطاقة وطبعا
المخزن الاساسى للطاقة فى الجسم هو الدهون هيتجه ليها للحصول على الطاقة
كل واحد جرام دهن يعطى 9 سعرالجسم هيحرق دهون اه لكن بعد فترة هيتكون فى
الجسم اجسام كيتونية ناتجة عن اكسده الدهون وتتراكم الاجسام فى الدم وهى
زى الاسيتون وتغير من حموضه الدم وتاثر على معدل الايض ككل فى الجسم وعليه
الجسم اصلا بيحتاج طاقة كبيره لاكسدة الدهون اصبحت دلوقتى العملية بايظة
واكسده دهون تبقى عبى زائد على الجسم هيتجه لحاجة اسهل فى الهدم للحصول
على الطاقة وهى العضلات

(4)دورها مهم برده فى القناه الهضمية لان وجودها بيشجع بكتريا القولون على انها تنتج فيتامين b12 وده مهم لتقوية الاعصاب

(5)كمان الالياف وهو نوع من انواع الكربوهيدرات مهمة لتنظيم الحركة
الدودية للقناه الهضمية وده بيضمن مستويات ممتازة للهضم والامتصاص
والاخراج وكما بتنشط امتصاص عنصر الكالسيوم وده برده حاجة مهمة للاعب كمال
الاجسام وبيحمية من الهشاشة

(6)برده الرده كنوع من الالياف السيلولوزية مهمة جدا لانها تدمص املاح
الصفراء على سطحها وتخرج مع البراز طب ايه فائدة ده ؟ فايدته ان املاح
الفراء دى هى اللى بتعمل استحلاب للدهون فى الوسط المائى وده بيسهل امتصاص
الجسم فلو لم توجد املاح الفراء لا يحدث امتصاص للدهون علشان كده زم نبعد
عن العيش الفينو اللى كله نشا ونستخدم الخبز البلدى او نستخدم الرده مع
الاكل لو ملعقة ناكلها مع زيادى مثلا

طب دلوقتى عرفنا فوائدها ايه بقى المصادر بتاعة الكربوهيدرات فى الدم ؟

طبعا الكربوهيدرات مش
هتكون فى الدم فى صورة نشا مثلا لا هتكون سكر فى صورة احادية واشهرها فى
الجسم هو الجلوكوز واللى يوجد فى الدم لاكثر من سبب اهمهم
(1)سكر ممتص من الغذاء بعد عمليات الهضم والامتصاص

(2)تكسير الجليكو بروتين للحصول على الجليكوجين كمصدر للطاقة ويتحلل ينتج
جلوكوز يدخل للدم ومش عايزين نوصل للمرحلة دى علشان الجليكو بروتين مهم
لمرونه العضلات ومهم للمساعده فى بناء الانسجة العضليه

طب بقى ايه طرق التخلص من الجلوكوز الموجود فى الدم ؟؟؟؟؟؟

(1) اكسده السكر للحصول على الطاقة وهو المطلوب بالدرجة الاولى

(2)تحويل الجلوكوز الى جليكوجين فى الكبد والعضلات كصورة من صور تخزين
الطاقة مطلوب برده لحماية العضلات من الهدم للحصول على الطاقة وقت الحاجة
اليها

(3)تحويل الزائد الى جزيئات دهنية فى مناطق متفرقة من الجسم حسب وراثة كل
واحد ده بقى اللى مش مطلوب ومش عايزين ناخد اكتر من احتياجاتنا من اى مصدر
غذائى علشان مش يتراكم فى صورة دهون يصعب التخلص منها

ايه بقى الهرمونات المسئوله عن تنظيم مستواه واللى تهم لاعب كمال الاجسام اوى ؟؟؟؟

(1) هرمون الدرينالين او الهرمون السحرى وده بيرفع مستوى الجلوكوز مش هنتكلم عنه لانه مش يخصنا اوى

(2) هرمون الانسيولين وده يهمنا اوى خصوصا بعد الانتهاء من التدريب وده بيخفض نسبته السكر فى الدم طب وهو الهرمون ده ليه فائه ؟ اه
طبعا لما حضرتك تاكل والغذاء يتهضم ويدخل مجرى الدم يزيد البنكرياس من
افرازه للهرمون وده يودى سرعة حركة المغذيات من مجرى الدم الى الخلايا
العضلية ويترسب على الخلايا العضلية جزيئات بروتينية متخصصة تسمى مستقبلات
الانسيولين
بمعنى كل ما عدد
المستقبلات على العضلة يزيد كل ما سرعة دخول المغذيات للعضلة تزيد
والمغذيات دى زى الاحماض الامينية الناتجة عن هضم وامتصاص البروتين واللى
بيعاد اتحادها فى العضلات لتكوين الجزيئات البروتينية لتشكيل الهيكل
البنائى للعضلة وعلشان نرفع مستوى الانسيولين ناخد اى حاجة فى مصادر سكرية
احادية زى عصائر التفاح البرتقال ودى كمان مفيده فى انها حامضية بتسهل عمل
انزيم الببسين فى المعده لهضم البروتين بشكل اسرع علشان كده يفضل اخذ
المكمل الغذائى البروتينى مخلوط مع عصائر بعد التمرين مباشرة

اى تعديل او اضافة مرحب بها تماما

اتمنى اكون افدتكم يا شباب

اخوكم

[/size]

بارك الله فيك على الطرح المميز و المفيد
الذي يظهر ذوقك الرفيع

merciiiiiiiiiii