تخسيس منطقة الصدر

موضوع: تخسيس منطقة الصدر 2009-06-10, 11:28 am

أولا كل عام و أنتم بخير..جايية متأخرة شوية
دلوقتي هنتكلم شوية عن
تخسيس منطقة الصدر(الموضوع للذكران و الإناث)..
بس ناخد بالنا..
الصدر
المليان حاجة من إتنين..
ممكن يبقي حالة gynecomastia (و دي للذكران فقط)
و
دي حالة نتيجة خلل هرمونات و علاجها مع الدكتور المتخصص إما بالهرمونات androgens
أو بال lipid suction أي شفط الدهون بعملية و ده شيئ مش محبذ..
و أنا شخصيا أنصح
بالتعايش معاها..هي عايزة شوية ثقة بالنفس و ممكن حلول النوع التاني تنفع في الوصول
إلي أصغر حجم ممكن للصدر في هذه الحالة_بس برضه مش هيبقي زي الطبيعي_لأنه بإختصار
الحالة دي هي إن الجسم بيعتبر الصدر مكان لتخزين الدهون علي هيئة دهون هيكلية يصعب
حرقهاstructural lipids فممكن تلاقي الجسم رشيق بس الصدر_و غالبا تصحبه
الأرداف_تخين شوية.
الحالة التانية هي الترهل..
ودي بتخلي العضلة مش قادرة
ترفع الصدر..و بالتالي أي دهون بتتخزن في الصدر ككل بتخلي الثقل يزيد علي العضلة
فتترهل أكتر..
و عشان كده لازم نشد العضلتين المسئولتين عن رفع الصدر(البنش
الكبري و الصغري) و نحرق الدهون فوق الصدر في نفس الوقت..
طب إزاي؟؟
1-
الرجيم العادي .. أو لو قلنا النظام الغذائي ..طبيعي لما الجسم كله يخس ..الصدر
كمان يخس..عادي يعني
2- تمارين لشد العضلات .. و علي فكرة..حركة العضلة بتساعد
علي تدفق الدم للمنطقة مما يؤدي إلي زيادة معدل حرق الدهون في هذه المنطقة ..يعني
نتايج هايلة.
طب إيه هي التمارين؟؟
أنا هقول تمرينين ممتازين..و عن تجربة بس
لازم قبلها نقول حاجة:
التمارين لازم تبقي بالراحة و تدريجي..عشان العضلة لما
تكون ضعيفة ممكن تبقي عرضة للتمزق و ده شيئ مش حلو لأنه هيعطلنا لحد ما العضلة
تخف..
الموضوع بياخد وقت..يعني ما نستعجلش..لما شهر أو إتنين نصبر و النتيجة
تقعد معانا علي طول يبقي الموضوع يستاهل..
طب التمارين دي كل يوم؟؟
لأ يا
سيدي..أنا بنصح تلاتة أيام نتمرن و يومين راحة..و طبعا في خبراء في الموضوع ده ممكن
تلاقي مواضيعهم في قسم العضلات..
طب أبطل رغي بقه و أدخل علي
التمارين؟...حاااضر.(الصور مرفقة)
التمرين الأول(هنفرد العضلة للجنب و نشدها
بالعرض):
1-النوم في وضع أفقي(طبيعي يعني هوه فيه حد بينام في وضع
رأسي؟).
2-نحمل ثقل في كل يد( حديد..بلاستيك..مخدات..حلل..إخواتك
الصغيريين).
3-نأخذ وضع المصلوب..يعني الذراعين مفرودتين عمودي علي مستوي
الجسم..ويا حبذا لو مستوي الظهر أعلي من مستوي الذراعين..ممكن نحط مخدات تحت الظهر
أو ننام علي ترابيزة بحيث يكون الجسم عالي عن الأرض و الذراعين حرين
الحركة.
4-يعني تفتكرو فاضل إيه؟..أكيد نبدأالرفرفة..نطلع بالذراعين مع بعض في
مستوي عمودي علي الصدر رأسيا ثم ننزل بيهم تاني ليصبحو في نفس المستوي الأفقي..و
ممكن ننزل بالذراعين تحت مستوي الظهر برضه.
5-يكرر 25 مرة..لأربع مجموعات..الفرق
بين كل مجموعة و التانية 1-2 دقيقة راحة.يعني 100 مرة نهائي.
لا
ننسي..بالراحة..و لو معرفناش نجيب 100 مرة عادي ..40 حلو ..10 ماشي..بس نستمر و
أكيد هنزود..

التمرين التاني(نشد العضلات لفوق بقي)
1-بصو يا
جماعة..هننام برضه..و المرة دي الذراعين ماسكين الثقل مع بعض في وضع أفقي مع الجسم
و مفرودتين فوق الرأس.
2-نطلع بالثقل عمودي علي الصدر و نرجع تاني.
3-يكرر 10
مرات 5 مجموعات..و الراحة مهمة جدا في الوسط 1-2 دقيقة.

بس خلاص
وأنصح
بدهان الصدر قبل البدأ في التمارين بزيت لافندر(مش كولونيا لافندر)لأن له تأثير
حراري thermogenic و معرق diaphoretic أو ما يسميه البعض كريم تخسيس موضعي و دي
غالبا فيها زيوت لها نفس الوظيفة..بس الحاجات دي من غير تمارين مالهاش
لازمة..
حاجة أخيرة..ربنا بإيده كل حاجة عشان كده لازم مع الأخد بالأسباب ندعي
ربنا إنه يوفقنا..و يرزقنا ما نريد..ده جزء أساسي من التمرين.
و أخيرا شكر للأخ حاتم اللي
مواضيعه الجميلة هي اللي شجعتني أساهم أنا كمان..يعني الدال علي الخير كفاعله..
و يارب أكون
أفدتكو .. و كل سنة و أنتو بألف خير..

موضوع: رد: تخسيس منطقة الصدر 2009-06-10, 11:33 am

تسلم الايادي زؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ بجد

موضوع: رد: تخسيس منطقة الصدر 2009-06-10, 12:10 pm

تسلم الايادي زؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ بجد

موضوع: رد: تخسيس منطقة الصدر 2009-06-10, 7:58 pm

جزاك الله كل الخير وتسلم
الايادي

موضوع: رد: تخسيس منطقة الصدر 2009-06-28, 2:05 pm

قمر نور دنيا مششششششششششششكورين

موضوع: رد: تخسيس منطقة الصدر 2009-06-29, 3:49 pm

زؤؤؤؤؤؤؤؤؤؤؤؤؤؤؤؤؤؤؤؤؤؤؤؤ

موضوع: رد: تخسيس منطقة الصدر 2009-07-04, 7:46 pm

موضوع: رد: تخسيس منطقة الصدر 2009-09-12, 11:12 pm

شششششششششكرا يا رمزى تسلم ايدك